Лабораторијата на „Макпетрол“ АД е независна лабораторија за тестирање на нафтените деривати и биодизел, и работи во согласност со стандардот MKS EN ISO/IEC 17025.
Испитувањата ги врши во согласност со стандардни меѓународни, европски и национални методи за тестирање: ISO, EN, ASTM, IP, MKS итн.
Раководството на Лабораторијата има јасно дефинирана политика за квалитетот, чија основна цел е да обезбеди квалитет на резултатите од лабораториските тестирања што ги исполнуваат и ги надминуваат барањата на корисниците.
Квалитетот на лабораториските услуги се постигнува со контрола на квалитетот во сите аспекти на лабораториското работење, а преку учество во меѓулабораториски споредби (Proficiency Testing) се обезбедува оценка за лабораториската изведба, професионалност и компетентност.
Во 2005 лабораторијата беше акредитирана од UKAS (United Kingdom Accreditation Service), а во 2006 од ИАРМ (Институт за акредитација на Република Македонија) за тестирање на нафтени деривати во согласност со стандардот MKS EN ISO/IEC 17025.
Откако ИАРМ го потпиша Договорот за мултилатерално признавање на акредитациите за областите тестирање, калибрација и инспекција (ILAC-MLA) со Меѓународната организација за акредитација на лаборатории (ILAC), во 2013 година UKAS ја повлече акредитацијата во согласност со правилата за меѓународна акредитација.
Лабораторијата има квалификуван и обучен персонал и располага со опрема за тестирање што е во согласност со стандардните тест методи за нафтени деривати, биодизел и антифриз, и тоа:
- Бензин
- Дизел
- Биодизел
- ЈЕТ-А1
- Авиобензин
- Мазут
- ЕЛ
- Масла
- ТНГ
- Антифриз
Испитувањата се изведуваат според стандардни и интерно развиени методи. Притоа се користат следниве инструментални техники и методи:
- Хроматографија (ГС)
- Спектрометрија (ФТИР, ААС, ИСП)
- Рендгенска флуоресценција
- УВ флуоресценција
- Флуоресцентна индикаторска апсорпција
- Потенциометрија
- Кулометрија
- Други физичко-хемиски мерења и испитувања
Непристрасноста и незвисноста при тестирањето, како и работењето според највисоките етички стандарди, притоа запазувајќи ги основните правила на деловност во сите ситуации, одржување висок професионализам, чесност и доверба, се основните начела во работењето на Лабораторијата на „Макпетрол“ АД. Овој принцип на работење подеднакво се применува за секој корисник којшто бара услуги за тестирање.