Друштвото на крводарители на „Макпетрол” постои од 1976 година и за овој период, како хуманитарно друштво, покажа посебни резултати во дарувањето крв, што се гледаат во секоја акција што ја организираме во Управната зграда, а на која крв даруваат по 70-80 крводарители. Покрај ова, не може, а да не се истакне и придонесот на Друштвото во ситуации кога на наши вработени им е потребна крв при разни хируршки интервенции, па преку Друштвото обезбедуваме доволни количества крв како со интервенција во Заводот за трансфузиологија од една, така и, ако е потребно, моментално дарување крв на членови од нашето Друштво од друга страна.