Алпи Австрија, Словенија, Италија Доломити - лето 2007
Извештај од целосно успешно изведената и спроведена планинарско
туристичка акција : Алпи x 2 –Доломити од 27.07 - 07.08.2007
(втор дел)
<претходен дел >
ХРОНОЛОШКИ ОПИС НА АКЦИЈАТА
27.07.2007 Од 11 часот сме во Белград, а во 20:15 од пред Соборниот храм СВ.САВА тргнуваме за Грац – Австрија сите облечени во исти маици, а најблиските Белграѓаните ги испраќаат. За кратко време скоро сите се запознаваме во бусот и почнува развој на нови другарства.
28.07.2007 09:00 Грац и обиколка на преубавиот стар, а нов, чист, тивок и спортски град преполн со велосипеди, зеленило и среќни луѓе кои живеат тука. Потоа се упатуваме кон зелениот Малинц во долина меѓу два планински масива, а пред него спој на овие масиви каде некаде високо е и нашиот врв Анкогел. Овде по кратката обиколка го подигнавме нашиот камп на 1200 м. каде нашите шатори беа први /се само приколки и трајлери/ во кампот кај познатиот, типичен Автријанец или Германец Хелмут, кој наплатуваше за се.
![](../Galerija/Alpi2007/Ankogel%20i%20Krimel/Grac.jpg)
Центарот на Грац
![](../Galerija/Alpi2007/Ankogel%20i%20Krimel/Malinc.jpg)
Гратчето Малинц под Анкогел
![](../Galerija/Alpi2007/Ankogel%20i%20Krimel/Malinc-Kamp.jpg)
Кампот во Малинц за време на дожд
29.07.2007 Будење, доручек, средување, мала паника или трема кај поединци бидејќи се оди на 3250 м што ќе биде личен височински рекорд за некој од нив. Кратко возење со бусот до 1283 м и укрцување во големи кабини од жичара кои собираат 24 луѓе и кои ќе не искачат на 2650 м. од каде до врвот има 600 м. висинска разлика. Во 11:50 првите од групата се веќе на врвот, а патеката е каменита и одлично маркирана со мало парче снег и мраз до врвот и пентрање како на Олимп во последнит дел до тие 3250 м., пристигаат и останатите, честитки па назад по истиот пат така да во 15.45 со жичарата повторно се возиме назад. Вечерта дожд, па прошетка и честење за успехот во тивкиот и празен Малинц. /идеално за санаториум/.
![](../Galerija/Alpi2007/Ankogel%20i%20Krimel/Ankogel01.jpg)
Излегување од жичарата на пат кон Анкогел
![](../Galerija/Alpi2007/Ankogel%20i%20Krimel/Ankogel02.jpg)
Првите снежни пречки
![](../Galerija/Alpi2007/Ankogel%20i%20Krimel/Ankogel03.jpg)
Долината на Малинц со поглед од високо
![](../Galerija/Alpi2007/Ankogel%20i%20Krimel/Ankogel04.jpg)
Врвот во облаци
![](../Galerija/Alpi2007/Ankogel%20i%20Krimel/Ankogel05.jpg)
Анкогел (3250м)
![](../Galerija/Alpi2007/Ankogel%20i%20Krimel/Ankogel06.jpg)
На враќање назад снимено од жичарата
<понатаму>
|