Krali Marko Trail 2013 - 11 октомври 2013

Следејќи ја традицијата, веќе трета година во околината на Прилеп организираме планински трки. Оваа година имавме големи планови, но поради поголем сплет на околности, плановите пропаднаа во вода. Сепак, за да го одржиме континуитетот на трката и да ја задоволиме големата желба на тркачите за планински трки, смогнавме сили заедно со општината Прилеп и ја организиравме најкратката делница - 16 km. За жал изостанаа гостите од странство, особено од Србија и Бугарија кои повеќе пати во текот на годината се интересираа и прашуваа и ја имаа ставено трката во својот календар.

Трката од 16 km можеби изгледа мала по километража, но е убава патека, која навистина бара максимум вложување од натпреварувачите, на неколку места и техничка, каде треба движењето да е внимателно, стрмни делови со карпи, камења. Но, како и секоја година, натпреварувачите кои се појавија на стартот беа на висината на својата задача. Особено ми е драго дека еве веќе по три години натпреварување се нема случено ниту една посериозна повреда, замо гребаници од по некој трн и по некој подвиткан зглоб на ногата - нормална појава на вакви терени.

Ден пред трката со дечките од Прилеп кои помагаа за расчистување на патеката и на маркирање на новиот дел - спуштањето кое се воведе поради тоа што се асфалтиаше патеката која порано се користеше за спуштање - ја поминавме патеката и каде што беше потребно ја појачавме маркацијата.

од маркирањето на патеката - со природни материјали

На денот на трката - големиот празник на градот и на Македонија - 11 октомври, утрото заврна дожд и траеше околу 2 часа. Тоа донекаде влијаеше на расположението на натпреварувачите и беше зголемена загриженоста дали ќе има пролизгувања на патеката. На половина час пред трката сепак дождот сопре и почна да ѕирка по малку сонце. Натпреварувачите ги земаа стартните боеви и маиците и почнаа да се загреваат за старт.

групна фотографија на натпреварувачите

Следуваше објаснување за трасата на трката, на кои места и на што треба да се внимава за да не се погреши патеката. Потоа градоначалникот на Прилеп се обрати и ги поздрави натпреварувачите. Веднаш потоа следуваше стартот. На стартот се појавија 53 натпреварувачи.

поздравен говор на градоначалникот на Прилеп - Марјан Ристески

старт на трката

прво по улиците на Прилеп

во облак кај манастирот Трескавец

новиот асфалт до манастирот

Во горниот дел од патеката - кон манастирот Трескавец натпреварувачите навлегоа во магла - облак кој значително им ја намали видливоста. Тоа беше и причината еден од натпреварувачите да појде во погрешна кривина и да се најде на прилично незгоден терен од кој за среќа успеал добро да се извлече. Пооа следеше негово откажување од трката. Останатите, внимавајќи на незгодните делови, грабеа кон целта. Времето на целта веќе беше прилично убаво и топло. На целта кај "Слонче" прв се појави Александар Стојановски, победникот од пред две години со нов рекорд на патеката - 1 час 20 минути 35 секунди.

влегувањето во целта на победникот Александар Стојановски

голема беше борбата за четврто место

убави и интересни предели за трчање

Светлана - прва во женска конкуренција

поголема група пред целта

весели влегуваат во целта

На крајот - околу 14:30 имаше прогласување на победниците и поделба на дипломи за сите учесници. Трката имаше и хуманиарен каралтер - се собираа сретства за повредениот во сообраќајна несреќа - нашиот најтрофеен ултрамаратонец и минатогодишен победник на трката од 60 km - Зоран Димов. Убав гест и се надевам дека во иднина ќе има се повеќе трки од хуманитарен карактер.

победниците во машка конкуренција

победничките во женска конкуенција

победниците - јуниори

единствената јуниорка на трката

победниците - ветерани

победниците - ветеранки

На крајот - еве ги резултатите во апсолутна категорија и по категории

Резултати

сите натпреварувачи

мажи - сениори

жени - сениорки

јуниори

јуниорки

ветерани

ветеранки

Карактеристики на патеката

Должина : 16 km
Висинска разлика : +840 m / -808 m
Просечен успон / спуст: +9 % / -11 %
Максимален успон / спуст: +46 % / -30 %

патеката за KMT 2013

висински профил на патеката

Повеќе фотографии можете да видите на следниот линк :
https://picasaweb.google.com/117320863135421357287/KraliMarkoTrail201302

Автор: Трајче Панковски
Фотографии: Петар Герасимов, Трајче Панковски,